"Heç Kəs Kənarda Qalmasın"

Dayanıqlı İnkişaf Məqsədləri üzrə Gənc Səfirlər

2030 GündəlİYİ və Qlobal Məqsədlər


2015-ci ilin 25-27 sentyabr tarixlərində keçirilən Dayanıqlı İnkişaf Sammitində BMT Baş Assambleyasının müvafiq qətnaməsi ilə  2030 Gündəliyi və bunun nəzdində, 17 məqsəd və 169 hədəfdən  (244 göstərici) ibarət Dayanıqlı İnkişaf Məqsədləri (DİM) qəbul olunmuşdur.

“Qlobal Məqsədlər” kimi də tanınan DİM-lər Minilliyin İnkişaf Məqsədlərinin (MİM-lər) əldə etdiyi nəticələrə əsaslanır və daha da irəli gedərək, yoxsulluğun bütün formalarının aradan qaldırılmasını hədəfləyir. Yeni DİM-lərin özünəməxsusluğu onların bütün ölkələri, o cümlədən yoxsul, zəngin və orta gəlirli ölkələri planetin mühafizəsini təmin etmək şərtilə, tərəqqini təşviq etmək üçün tədbirlər görməyə səsləməsində əks olunur. DİM-lər təsdiq edir ki, yoxsulluğun aradan qaldırılması iqtisadi artımın təmin edilməsinə yönələn strategiyalarla əlaqəli şəkildə həyata keçirilməlidir. Onlar təhsil, sosial müdafiə və məşğulluq imkanları da daxil olmaqla geniş spektrli sosial ehtiyacları və bununla yanaşı, iqlim dəyişikliyi ilə mübarizə və ətraf mühitin mühafizəsini ön plana çəkir.

Azərbaycan isə öz növbəsində  17 məqsəd, 88 hədəf, 119 göstəricini prioritet kimi seçmişdir. 
2030 GündəlİYİ və Qlobal Məqsədlər

Dayanıqlı İnkİşaf MəqsədlərİNİn mİLLİ səvİyyədə İcrası


Universal sənəddən (DİM) irəli gələn öhdəliklərin Azərbaycan Respublikasında milli səviyyədə yerinə yetirilməsi üçün dövlət orqanlarının üzərinə düşən vəzifələrin icrasının əlaqələndirilməsi məqsədilə Azərbaycan Respublikası Prezidentinin 2016-cı il 6 oktyabr tarixli Fərmanı ilə Azərbaycan Respublikasının Dayanıqlı İnkişaf üzrə Milli Əlaqələndirmə Şurası yaradılmış, milli səviyyədə Dayanıqlı İnkişaf Məqsədlərinə nail olunmasına dair monitorinq və hesabatlıq mexanizmi müəyyən edilmiş, aidiyyəti dövlət qurumlarının qarşısında konkret vəzifələr qoyulmuşdur.

Dayanıqlı İnkişaf üzrə Milli Əlaqələndirmə Şurasının yaradılmasında əsas məqsəd Azərbaycanda əhalinin sosial-iqtisadi rifahını daha da yaxşılaşdırmaq, bugünədək görülmüş və əldə olunmuş nəticələrin davamlılığını qorumaq, habelə, yeni çağırışlara uyğun məqsədlərə nail olmaq üçün qlobal əməkdaşlıq etməkdir. Hər il ölkədə 17 məqsədi əhatə edən görülmüş işlərə dair illik hesabatlar hazırlamaqdır. 2016-ci ildən etibarən Azərbaycan 2 “Könüllü Milli Hesabat”I (Azərbaycan - 2030: Minilliyin İnkişaf Məqsədlərindən Dayanıqlı İnkişaf Məqsədlərinə Doğru və “Dünyamızın transformasiyası: 2030-cu ilədək dayanıqlı inkişaf sahəsində Gündəliyi”n icrası ilə əlaqədar Azərbaycan Respublikasının İkinci Könüllü Milli Hesabat) hazırlayan aparıcı ölkələrdən biridir.

Həmçinin, DİM-ə milli səviyyədə nailolma vəziyyətinin monitorinqi və ictimaiyyətin məlumatlandırılması üçün Azərbaycan Respublikasının Dövlət Statistika Komitəsinin təşəbbüsü ilə “2018–2025-ci illərdə Azərbaycan Respublikasında rəsmi statistikanın inkişafına dair Dövlət Proqramı” çərçivəsində BMT-nin İnkişaf Proqramının Azərbaycan Nümayəndəliyinin maliyyə dəstəyi hesabına Azərbaycan Respublikasının Dayanıqlı İnkişaf Məqsədləri üzrə Milli Məlumatlandırma Portalı yaradılmış, Dövlət Statistika Komitəsinin serverində sdg.azstat.org ünvanında yerləşdirilmişdir.

Dayanıqlı İnkİşaf MəqsədlərİNİn mİLLİ səvİyyədə İcrası Dayanıqlı İnkİşaf MəqsədlərİNİn mİLLİ səvİyyədə İcrası

"DİM üzrə Gənc Səfİrlər" təşəbbüsü


"DİM üzrə Gənc Səfİrlər" təşəbbüsü
Dayanıqlı İnkişaf Məqsədləri üzrə Gənc Səfirlər təşəbbüsü Azərbaycan Respublikasının Gənclər və İdman Nazirliyi və Birləşmiş Millətlər Təşkilatı İnkişaf Proqramının Azərbaycan Nümayəndələyinin birgə həyata keçirdiyi “Qlobal siyasi müzakirələrdə gənclərin fəal iştirakının dəstəklənməsi üçün yeni platformalar yaradılması” layihəsi çərçivəsində həyata keçirilir.

Layihə gənclərin ölkə səviyyəsində və beynəlxalq səviyyədə inteqrasiyasının və iştirakçılığının gücləndirilməsini təmin edən yeni fəaliyyət istiqamətlərini formalaşdıraraq inkişaf etdirmək, eləcə də Azərbaycanda gənclərin inkişafı ilə əlaqədar reallaşdırılan proseslərə töhfə vermək məqsədini güdür.

“Dayanıqlı İnkişaf Məqsədləri üzrə Gənc Səfirlər” təşəbbüsü 2018-ci ildə Azərbaycanda ilk dəfə olaraq DİM üzrə 17 Gənc Səfir seçmişdir. 2018-2020-ci illər ərzində 17 Gənc Səfir könüllü əsaslarla Dayanıqlı İnkişaf Məqsədlərinin Azərbaycanda təbliğinə, DİM-lərə nail olmaq üçün gənclərin iştirakının təşviqinə, yerli, milli və beynəlxalq səviyyədə atılan addımlar barədə cəmiyyətin məlumatlandırılmasına və ölkədə DİM-lərlə əlaqəli təşəbbüslərin həyata keçməsinə töhvə vermişlər. Məhz onların fəaliyyətlərinin nəticəsi olaraq, Azərbaycanda yüzlərlə gənc DİM-lərdən xəbərdar olmuş və qlobal məqsədlər üçün hərəkətə keçmişdir.

TƏŞƏBBÜSÜN ƏSAS MƏQSƏDİ


Gənc Səfirlərin əsas məqsədi Dayanıqlı İnkişaf Məqsədlərini Azərbaycanda təbliğ etmək, DİM-lərə nail olmaqda gənclərin iştirakını təşviq etmək, yerli və milli səviyyədə atılan addımlar barədə əhalinin məlumatlandırılmasına və Milli Hesabatların hazırlanmasına töhvə verməkdir.

Gənc Səfirlər 14-29 yaşlı Azərbaycan Respublikası vətəndaşları arasından seçiləcək və 2 il müddətində fəaliyyət göstərəcəklər.

Gənc Səfirlərin sayı 17-dən çox ola bilməz: bir DİM üzrə yalnız 1 nəfər Gənc Səfir seçilə bilər.
Gənc Səfirlər könüllü əsaslarla fəaliyyət göstərəcəklər. Onların fəaliyyəti paytaxtı və Azərbaycanın müxtəlif regionlarını əhatə etməlidir.

GƏNC SƏFİR OLMAQ ÜÇÜN Tələblər


  • BMT Sistemi və Dayanıqlı İnkişaf üzrə 2030-cu il Gündəliyilə tanışlıq;
  • BMT ilə əlaqəli fəaliyyət və ya təcrübə əlavə üstünlük ola bilər;
  • Daha öncədən Azərbaycanda nazirliklərlə, QHT-lər ilə və digər əlaqədar müəssisələrlə iş təcrübəsi əlavə üstünlük ola bilər;
  • Azərbaycan və ingilis dillərində səlis danışıq və yazı bacarığı. Rus dili və/və ya digər rəsmi BMT dil bilikləri əlavə üstünlük ola bilər;
  • Güclü tədqiqat, tərtibat, təqdimat, ictimai danışıq və hesabat bacarıqlarına malik olmaq;
  • Güclü kompüter bacarıqları, xüsusilə də MS Office proqramlarına tam bələd olmaq;
  • Sosial media vasitələri və alətlərinin təcrübəli istifadəçisi olmaq;
  • Mükəmməl münasibət, şəbəkələşmə, ünsiyyət və komanda işi bacarıqlarına malik olmaq;
  • Keyfiyyətli, innovativ və dayanıqlı həll yolları ilə təşəbbüskarlıq qabiliyyəti;
  • Sülhə, rifaha və cəmiyyətin inkişafına töhfə vermək;
  • Mükəmməl məsuliyyət, dəqiqlik və vaxtın idarə edilməsi bacarıqları etmək; 
  • Könüllü kimi və/və ya fərqli icmada fəaliyyət (təhsil, könüllü iş, təcrübə) əlavə üstünlük ola bilər;
  • Azərbaycan daxilində və lazım olduqda ölkə xaricinə səyahət etmək. 

Gənc Səfİrlərin seÇİMİ



Ərizə qəbulu elan edildikdən və namizədlərin müraciətləri toplandıqdan sonra DİM üzrə Gənc Səfirlərin seçimi 2 mərhələdə həyata keçiriləcəkdir:
  • İlk öncə işçi qrup nümayəndələri tərəfindən bütün müraciətlər araşdırılacaq və ilkin müsahibə keçirilərək namizədlərin qısa seçim siyahısı hazırlanacaqdır;
  • Daha sonra, Gənclər və İdman Nazirliyi və BMT İnkişaf Proqramı təşkilatı və  Dayanıqlı İnkişaf üzrə Milli Əlaqələndirmə Şurası və aidiyyatı üzrə qurumların nümayəndlərindən ibarət heyətin iştirakçılığı ilə qısa seçim siyahısında olan namizədləri yekun müsahibə əsasında qiymətləndirib son seçim barədə qərar verəcəkdir.
Seçilmiş DİM üzrə Gənc Səfirlərin fəaliyyəti layihə əməkdaşları tərəfindən əlaqələndiriləcək. Fəaliyyət müddətləri ərzində, DİM-lərin təbliği məqsədilə və tərəfdaşların dəstəyi ilə Gənc Səfirlərin kütləvi informasiya vasitələrində çıxışları, müxtəlif müəssisələrdə təqdimatları və təlimləri, regional, milli və beynəlxalq miqyaslı tədbirlərdə iştirakı və digər uyğun tədbirlərdə iştirakı nəzərdə tutulur.


 müracİət qaydası



  • Hər bir Gənc Səfir üçün meyarlar, tələblər və fəaliyyət istiqamətləri haqqında dolğun məlumata sahib olun;  
  • Müraciət formasını doldurun; 
  • Bu zaman sizdən həmçinin öz CV-nizi və motivasiya videonuzu yükləmək istəniləcək. Zəhmət olmasa qeyd olunan bütün şərtləri diqqətlə izləyin;
  • Nəzərə alın ki, ərizədə qeyd olunan şərtlərin hər birini tamamlamasınız, müraciətiniz qeydə alınmayacaqdır;
  • Müraciət üçün son tarix 10 Mart 2021-ci il,  Bakı vaxtı ilə 23.59-dur.

Gənc SƏFİR OLMAQ


 “Yerli səviyyədə icra olunan sadə ideyalar ən böyük qlobal dəyişikliklər yarada bilir. Mən isə öz növbəmdə, “DİM üzrə Gənc Səfirlər” proqramı vasitəsilə artıq dayanıqlı gələcək ideyasına daha yaxından tanışam və davamlı inkişafın təmin olunması üçün bu sadə ideyaları həyata keçirəcək təcrübəyə malikəm.”"

Zərifə ZülfüqarovaDİM4 üzrə Gənc Səfir

 «Dayanıqlı İnkişaf Məqsədləri üzrə Gənc Səfir» programının bir hissəsi olmaqdan qürur duyuram. Gəncliyin gücü - fikirlərimizin gücündədir. Motivasiyamızın gücündədir. Birliyimizin gücündədir.Təşkilatçılara və iştirak edən hər kəsə dürüstlüyünə, xeyirxahlığına, zəkasına və heç kimin geridə qalmamasını təmin edərək daha yaxşı bir gələcək qura biləcəyimizə inanımına görə təşəkkür edirəm!"

Aygün TalıbovaDİM3 üzrə Gənc Səfir

 “DİM üzrə Gənc Səfirlər” platforması mənə vəzifəmi icra etdiyim 2 il müddətində qlobal məqsədlərə dair bilik və təcrübələrimi minlərlə gənclə bölüşmək imkanı ilə yanaşı, digər ölkələrdən olan gənc liderlərlə birlikdə müxtəlif yerli və beynəlxalq layihələr təşkil etmək şansı qazandırdı."

Məhbubə Musayeva, DİM7

 Qlobal məqsədlər üzrə könüllü olmağın verdiyi öhdəlik daha dayanıqlı cəmiyyət və təbiətin bünövrəsini qoymaq üçün bizi hərəkətə gətirən ən ali öhdəliklərdən biridir."

Mehri HüseynliDİM6 üzrə Gənc Səfir

 Dayanıqlı İnkişaf Məqsədləri üzrə Gənc Səfir olmaq, dünyamızda baş verən qlobal ekoloji, iqtisadi və sosial problemləri yaxından izləyib, analiz edərək, bu istiqamətdə görülməsi zəruri olan icraatların məsuliyyətini hiss etmək və onları daşımaqdır."

Əkbər CəlilovDİM14 üzrə Gənc Səfir

 I gained detailed theoretical knowledge through meetings and international dialogues by professionals, such as J.Sachs, Madam Egear, UN and government officials in Azerbaijan. The initiative suggested a variety of platforms to transform my experience and learnings to the regional and national level."

Şücaət ƏhmədzadəDİM16 üzrə Gənc Səfir

 2030-ci ilədək DİM-lərə çatmaqda gəncliyin səsi olaraq Gənc Səfir fəaliyyətimiz, qoyulmuş bütün hədəflərə funksional, yaradıcı və effektiv ideaları reallaşdırmaqla daha sürətli inkişafı əldə edə bilməkdən ibarətdir."

Nərmin HeydərovaDİM5 üzrə Gənc Səfir

Tez-tez verİlən suallar


Müraciət üçün video necə hazırlanmalıdır?

Müddəti 1 dəqiqə 30 saniyədən çox olmamalı və həcmi 100 MB-ı keçməməlidir. Motivasiya videosu Azərbaycan dilində hazırlanmalıdır.

Gənc Səfir olmaq üçün nə etməliyəm?


Müraciət formasını doldurmalı, CV-nizi əlavə etməli və motivasiya videonuzu yükləməlisiniz. Bu 3 addımı tamamlamasanız müraciətiniz qeydə alınmayacaqdır. 

Səfirlər hansı istiqamətdə fəaliyyət göstərəcək?

Gənc Səfirlərin əsas məqsədi Dayanıqlı İnkişaf Məqsədlərini Azərbaycanda təbliğ etmək, DİM-lərə nail olmaqda gənclərin iştirakını təşviq etmək, yerli və milli səviyyədə atılan addımlar barədə əhalinin məlumatlandırılmasına və Milli Hesabatların hazırlanmasına töhvə verməkdir. Fəaliyyət müddətləri ərzində, DİM-lərin təbliği məqsədilə və tərəfdaşların dəstəyi ilə Gənc Səfirlərin kütləvi informasiya vasitələrində çıxışları, müxtəlif müəssisələrdə təqdimatları və təlimləri, regional, milli və beynəlxalq miqyaslı tədbirlərdə iştirakı və digər uyğun tədbirlərdə iştirakı nəzərdə tutulur. 

Video nə haqqında olmalıdır?

Bu videoda sizdən “Nə üçün Dayanıqlı İnkişaf Məqsədləri üzrə Gənc Səfir olmaq istəyirəm?” sualını cavablandırmanız, motivasiya və ideyalarınızı təqdim etməniz xahiş olunur.

Neçə səfir seçiləcək? Bir neçə DİM üzrə müraciət etmək olarmı?

Bir DİM üzrə yalnız 1 nəfər Gənc Səfir seçiləcək. Beləliklə, ümumilikdə 17 nəfər Gənc Səfir olacaq. Gənclərimiz yalnız bir DİM üzrə müraciət edə bilər.

Gənc Səfirlər hansı müddətə və harada fəaliyyət göstərəcək?

Gənc Səfirlər 2 il müddətində, könüllü əsaslarla fəaliyyət göstərəcəklər.Onların fəaliyyəti paytaxtı və ölkəmizin müxtəlif regionlarını əhatə edəcək

Son MüracİƏT TARİXİ


End!

Mətbuat 


Dayanıqlı İnkişaf Məqsədləri üzrə Azərbaycanda Gənc Səfirlər axtarılır!

02/11/2021

2021-2023-cü illəri əhatə edəcək növbəti Dayanıqlı İnkişaf Məqsədləri (DİM) üzrə Gənc Səfirlərin seçim mərhələsinə başlanılıb.

Read More

Bİrləşmİş Mİllətlər Təşkİlatının İnkİşaf Proqramı Gənc Səfİr olmağa çağırır.

02/11/2021

Həyata keçirdiyiniz layihələrlə Dayanıqlı İnkişaf Məqsədlərinə nail olunmasına töhfə verirsiniz? O zaman Dayanıqlı İnkişaf Məqsədləri üzrə Gənc Səfirlər təşəbbüsünə elə indi müraciət edin!

Read More

Dayanıqlı İnkişaf Məqsədləri üzrə Azərbaycanda gənc səfirlərin seçim mərhələsinə start verilib

02/11/2021

Gənclər və İdman Nazirliyinin mətbuat xidmətindən AZƏRTAC-a bildiriblər ki, məqsəd DİM-i Azərbaycanda təbliğ etmək, gəncləri bu məqsədlərə nail olunmasında iştiraka təşviq etmək, yerli və milli səviyyədə atılan addımlar barədə əhalinin məlumatlandırılmasına və milli hesabatların hazırlanmasına töhfə verməkdir.

Read More

DİM üzrə Gənc Səfirlərin seçimi

02/17/2021

DİM üzrə Gənc Səfirlər: Gənc Səfirlərin əsas məqsədi Dayanıqlı İnkişaf Məqsədlərini Azərbaycanda təbliğ etmək, DİM-lərə nail olmaqda gənclərin iştirakını təşviq etmək, yerli və milli səviyyədə atılan addımlar barədə əhalinin məlumatlandırılmasına və Milli Hesabatların hazırlanmasına töhvə verməkdir.

Read More

Twitter 


Gənclər və İdman Nazirliyi və @UNDPAzerbaijan Dayanıqlı İnkişaf Məqsədləri (DİM) üzrə Gənc Səfirlərin (2021-2023) s… https://t.co/mBy49lqe5i

Are you a #young citizen of #Azerbaijan who are genuinely leading sustainable initiatives which support the realiza… https://t.co/OfkSHVlFor

Join #SDGYouthAmbassadors supported by @UNDPAzerbaijan & @officialmys to become an integral part of the talented… https://t.co/z9w5lzwFxT

Bİzİmlə Əlaqə